کل یونہی اچانک میرے دل نے چاہا
پرانی البم کو ذرا کھلوں اور سَمےکو پھر سے چلو پھرولوں
تو میں نے اٹھ کے دراز کھولی مٹی میں اَٹی وہ کتاب کھولی
کہ جس کی اُس جانب وہی چہرے موجود تھے جو کبھی ہمارا وجود تھے جو
پہلا صفحہ جو میں نے پلٹا پلک سے آنسو تیزی سے جھلکا
ارے یہ بچپن وہ پیارا بچپن کہاں گیا ہے دُلارا بچپن
اُس کے آگے جو میں نے دیکھا
کہیں ہنسی تھی کہیں شرارت کہیں کھلونوں کی تھی تجارت
کہیں اپنوں کی محفلیں تھیں کہیں بچھڑتی ہوئی رُتیں تھیں
کہیں روٹھنا تھا کہیں منانا
فقط ایک ٹوفی پہ مان جانا
کہیں بڑوں کی جوان شکلیں
کہیں محبت کی وہ ساری ستریں
کسی صفحے پہ دکھا تھا کوئی ہمیں بتاتا یہ دنیا کیا ہے
کسی صفحے پہ وہی جا رہا تھا ہمیں رلاتا یہ انتہا ہے
کہیں ایسے چہرے بھی ہم نے دیکھے کہ جو مٹ چکے تھے ذہن سے ہمارے
کہیں ایسے چہرے نظر بھی آئے کہ جو اب تلک ہیں نظر کے تارے
کہیں ہم نے دیکھا کاغذ کی کشتی خود کو بناتے پھر اُس کو بہاتے
کہیں ہم نے دیکھا بارشوں میں سب کو نہاتے اور کھلکھلاتے
یونہی گزرتے صفحے بدلتے پرانی البم اختتام پہنچی
گئی رتوں کی بیتی کہانی یونہی اپنے انجام پہنچی
پر نینٗ اب تک کسک ہے باقی سَمے پلٹنے کی طلب ہے باقی
چلو پھر کسی وقت نئے موڑ پے ہم
دوبارہ پھر سے سَمے کی سوئی سے جنگ لڑیں گے
….جو آج کیا ہے پھر سے کریں گے
….وہی لمحے پھر سے جئیں گے